Fascht ä Glatzä

Gseh grad in der Zitig
Es grosses Inserat
Mä chön sich eifach lo berote
Stoht obe rechts ganz sepparat
Jetzt cha mä öppis dergege
mache ganz bequem
Hätt ich’s doch nur frühner gwüsst
S‘ ligt nur an mine Gen
Endlich weiss ich was es isch
Wo mir e Stei in Wäg duet legge
Wiso ich kei Erfolg ha, im Läbe
Tue warte uf d‘Millione vergäbe


Z’vill männlichi Hormon
Das zeige mir d Symptom
S muess nümme lang so bliebe
Stoht schwarz uf wiss do gschribe

Ich ha fascht e Glatzä
Jetzt kenn ich mis Problem
Has vorhär zwar nie wohrgnoh
Jetzt plogts mi doch extrem
Hoo oo oo oor – kei Hoor mehr
Hoo oo oo oor – kei Hoor meh uf em Chopf


Ich lueg in Spiegel ihne
S isch halt scho enorm
Mi Frisur isch wie dr Körper
Nümm so ganz in Form
Wohär sell ich all die Hoor neh?
vom Buuch vom Ruggä no?
witer unde hätts no meh
Es schlot mr uf ä Magä scho
Die Hoor wo si mir denn verplanze
Wo sie die wohl usestanze?
Wenn ich plötzlich chumm mit Chrusle
Foht’s doch jede afo grusle

Z’vill männlichi Hormon
Das zeige mir d Symptom
S muess nümme lang so bliebe
Stoht schwarz uf wiss do gschribe

Ich ha fascht e Glatzä
Jetzt kenn ich mis Problem
Has vorhär zwar nie wohrgnoh
Jetzt plogts mir doch extrem
Hoo oo oo oor – kei Hoor mehr
Hoo oo oo oor – kei Hoor meh uf em Chopf

 

Spruchrif © 2015