Peter - nüm dr gliech

Der Peter isch nüm de locker Typ

Isch nüm so cool und au nüm hip
Er isch in Behandlig mues sich hälfe loh
Frogt sich oft, wies mit ihm söll wietergoh

 

Sich chrank lo schriebe, will er nid
Er cha sich nüm richtig konzentriere
Meint si Bürostuehl düeg scho wagglä
Er chönnt si Job bald verliere

 

Der Peter will nid, das mä meint
Er würd nur simuliere
Wär goht scho wäge Nüt zum Psychiater
Er spielt doch nid Theater 

 

 

Geschter hani dr Peter atroffe
Was isch nur mit Ihm passiert?
Ich hannen fascht nüm wiedererkennt
Er isch so dischtanziert

 

Geschter hani dr Peter atroffe
Was isch nur mit Ihm passiert?
Es goht em schienbar würklich schlächt
Er isch ganz deprimiert

 

 

Dr Peter dä isch nüm dr Gliech
 Wo sich wohl fühlt in sinere Hut
Er cha nüm elei am Bahnhof stoh
Sit er dört isch druntercho

 

Er fühlt sich nümme wohl deihei
Fühlt sich verlore und elei
Fiesi Alpträum raube ihm dr Pfus
Sit em Ibruch in sis Hus

 

Sicher isch nur eis im Läbe
Dra dänke will er nid
Doch frogt er sich fascht bi jedem Schritt
Ob’s für ihn no Hoffnig git 

 

 

Geschter hani dr Peter atroffe
Was isch nur mit Ihm passiert?
Ich hannen fascht nüm wiedererkennt
Er isch so dischtanziert

 

Geschter hani dr Peter atroffe
Was isch nur mit Ihm passiert?
Es goht em schienbar würklich schlächt
Er isch ganz deprimiert

 

 

Spruchrif 2011 – SUISA