Wieder zämme rocke

Röhrlijeans und langi Hoor

Turnschue und wenig Geld im Sack
Für Ruhm und Ehr und nid fürs Geld
Si mir grennt dur eusi Welt

 

dr Lideschaft - em Rock verfalle
Lärm gmacht bis tief in d’Nacht
Gsunge fascht zum hoche C
Lüter, schnäller immer meh

 

Das si wunderbari Zitte gsi
Tue sä echt vermisse
Wird se nie vergesse

 

 

Mir tüen wieder zämme rocke
Leu eus nümm lo stoppe
S’Bluet am choche, dr Puls am rase
Im Liechtermeer bis zur Egschtase

 

Mir tüen wieder zämme rocke
Leu eus nümm lo stoppe
Bis d’Balke vo der Bühni breche
Jeeehehee

Profimusiker hei mir welle wärde
Hei güebt bis d’Seite grisse si
Harmonie gsuecht und Wörter greimt
Vom Erfolg im Business träumt

 

Fürs chlinschtä Konzert s’gröscht Fescht organisiert
Flyer verteilt, und flissig plakatiert
Schweri Chiste gschleppt, Verstärker türmt
Bühni ufbaut, und denn gschtürmt  

 

 

Mir tüen wieder zämme rocke
Leu eus nümm lo stoppe
S’Bluet am choche, dr Puls am rase
Im Liechtermeer bis zur Extase

 

Mir tüen wieder zämme rocke
Leu eus nümm lo stoppe
Bis d’Balke vo der Büni breche
Jeeehehee

 

 

Spruchrif 2011 – SUISA