Früehschicht

Ganz beschäftigt und absorbiert

Sitzt do eine, wo in Bildschirm ihne stiert

Meinsch, dä het den öppe ztue

Het sogar im Zug kei Rueh

 

Er wird wohl Wichtigs z'mache ha

Isch schiinbar vill z'spot dra

Drbie ischs doch no früe am Morge

Meinsch ihn ploge grossi sorge?

 

Und ich lies d’Zittig ganz bequem

Ohne Stress und jeglichi Problem 

Und ich lies d’Zittig ganz bequem

Ohne Stress und jeglichi Problem

 

Wennd sis Gsicht so duesch betrachte

Schient ihm öpper nach em Läbe ztrachte

D’Finger hämmere wild uf dä Taste

Wenn d’Auge übere Bildschirm haste

 

Sini Miene verzieht sich, ängstlich, plötzlich froh

Wie lang söll das nur so wietergoh

Was für e Job mues das nur sie

Dä hängt sich aber mächtig drii

 

Und ich lies d’Zittig ganz bequem

Ohne Stress und jeglichi Problem

Und ich lies d’Zittig ganz bequem

Ohne Stress und jeglichi Problem

 

Stress isch schlächt für d’Konstitution

Däm si Job will i nid füre Million

Lieber lies ich d’Zittig ganz bequem

Ohne Stress und jeglichi Problem

 

Bim usegoh lauf ich näbenem dure

Gseh öppis uf sim Bildschirm surre

Nei das isch doch eifach z'fill

Dä macht jo nur es Compi-Spiel

 

Und ich lies Zittig ganz bequem

Ohne Stress und jeglichi Problem

Und ich lies Zittig ganz bequem

Ohne Stress und jeglichi Problem

 

© Spruchrif 2011 – SUISA