Früener

Früeh am Mörgä er isch wieder do
Tuet wie alli au am Bahnhof stoh
Mit em Ruggä an dr Wand
Ä büchsä Bier scho in dr Hand
Dr Peter kenn no vo früener
Wo mir in Chindsgi (Chindergarte) gloffe si
Ich froog – wie hesch’s – Was machsch eso
Ha di auch scho lang nüm troffe

Ulala… Ulala… Er seit
Ulala… Ulala… Früener isch doch alles besser gsi

„Es goht eso“, meint er verlägä
„Tue eifach nümm so viel verträgä“
Er luegt mi a sis Gsicht isch bleich
„Ha grad kei Job es isch ä Seich“
„Weisch ich bi scho sälber Schuld
Ohni würd’s doch besser goh
Sött eigentlich jo zfriede sie
Aber ’s holt mi immer wieder I“

Ulala… Ulala… Er seit
Ulala… Ulala… Früener isch doch alles besser gsi

 

SPRUCHRIF © 2015