No meh vo dir

Bi Montreux hei mr Chillon bsuecht
Am schöne am Gänfersee
Z Lausanne si mir promeniert
Hei Segelschiff fotografiert
ZGreyerz wos dä Chees tuet geh
Hani s’Alien vom Gyger gseh 

Z Yverdon do hei mir zältlet
Mit Sunnebrand am Strand
In Avenche si mir im Museum gsi
Dört si scho d’Römer gstande
In Fribourg hei mr d’Altstadt gseh
D’Kathedrale und no viel meh 

Ich wett no meh, no meh vo dir – Zieh mr alles ine Ich wett no meh erlebe, no meh no gseh Du wunderschöni Schwiiz 

Z Bärn laufsch los bim Bundeshus
Zum Bäregrabe abe
In Thun do gsehsch das Rieserad
drüber s’schöne Schloss denn grad
Z’Luzärt do gfallt mr d’Kappelbrugg
An Aarau dänksch du öbbe zrugg 

Z’Basel schwimm ich gärn im Rhy
Lieschtel cha nid schöner sii
Z’Olte stieg ich um nach Züri
In Lugano isch me glii
Sion, Brig, Zermatt im Schnee
SMatterhorn und no viel meh 

Ich wett no meh, no meh vo dir – Zieh mr alles ine Ich wett no meh erlebe, no meh no gseh Du wunderschöni Schwiiz 

Chur, Davos und St. Moritz
Leukerbad und Grindelwald
Rhyfälde, Konstanz und St. Galle
Dr Rhyfall tuet mir gfalle
Bellinzona, Lugano, Solothurn
Altdorf, Schwyz und no vill meh 

Ich wett no meh, no meh vo dir – Zieh mr alles ine Ich wett no meh erlebe, no meh no gseh Du wunderschöni Schwiiz 

© SPRUCHRIF