Altersheim

 S’Rösli mues ins Altersheim
Drum isch si ganz verstört
Si het scho Albräum gha
Was söll si numä dört 

D Gabi meint, das sig nid schlimm
Doch s’Rösli glaubt nid dra
Dass es dört no schön cha si
Si cha kei Freud dra ha 

Ich bring mi um seit sRösli sich
Si schreit: «Jetzt tuen ich springe»
Mi allerliebschti Ernscht im Himmel
Triff ich dört, wo d’Ängel singä 

Dört isch doch au d’Gisela
Wo scho in dr Schuel
Ihre dr Fründ het usgspannt gha
Sie dänkt hütt no trurig dra 

Dört will sie bestimmt nid ane
Das isch em Rösli z’vill
Dass si jetzt mit 100 Johr
No unders Zügli springe will 

Ich bring mi um seit sRösli sich
Si schreit: «Jetzt tuen ich springe»
Mi allerliebschti Ernscht im Himmel
Triff ich dört, wo d’Ängel singä 

© SPRUCHRIF