Keis Liechtli brennt

S’isch dussä chalt - keis Liechtli brennt

Nei d'Hüser schiene ganz in Flammä

Bis ich bländet denn erkenn

Das überall LED-Lämpli hängä

Die ganzi Stroos stoht unter Strom

D'Fänschter erlüchte hundert Girlandä

Kei Esel mit em Sack uf em Ruggä - Nei

Dr Plastigschlittä mit Rentier isch am landä

 

Ooooo – keis Liechtli brennt

Es isch Advänt

 

Kei Santichlaus mit em Schmutzli

Nid ämol ä rotä Wiehnachsma

S isch ä glitzerndä Santa Chlaus - Made in China -

Import us Amerika

Im Gartä git’s viel z‘gseh – im andärä no meh

Was hüttä vielli wei

S‘lüchtet vom Husdach bis uf dStroos

Disneyworld dehei

 

Ooooo – keis Liechtli brennt

Es isch Advänt

 

Ooooo – keis Liechtli brennt

Es isch Advänt

 

Zerscht eis, denn zwoi, denn drei und vier

Scho stoht d’Wiehnacht vor dr Tür

 

SPRUCHRIF © 2015