Doping

Has grad im Radio g'hört

S'het wieder einisch eine d'Schwalbe g'macht

Und isch samt es paar Kollegä

Ufs Trottoir abekracht

 

Trampe, keuche, zerrä, rissä

Stell mir vor wie das muess sii

Überholä ganz gerissä

Wahnsinnsleischtig dank Chemie

Alles goht an d'Leischtigsgränzä

Pillä dreie, dope, bschisse

Hinderänand dr Bärg deruf

Chnorzä, chrampfä ganz verbissä

 

Biege, dehne, bräche, drücke – u-u-äh

Für Ruhm und Ehr und s'viele Gäld

Operiere Chnoche flicke – u-u-äh

Em Sieger g'hört die ganzi Wält

 

Immer schnäller, keis Verschnufe

Isch so öppis nid au g'fehrlich

Ei Gang abe – eine ufe

find das Gschäft do gar nid ehrlich

Dä wo am meischte riskiert derbii

Cha vorne an dr Spitzä fahre

wo d'Kameras am nöchstä si

G'hört denn zu de Super Stare

 

Glanz und Glämmer uf em Podest

Stoht me do und loht sich fiirä

Strössli zieh am grossä Fescht

Zum s'Maximum no optomiere

S'chunt im Färnseh in der Zitig

Jedä weiss doch B'scheid

Bis es em Fass der Deckel lüpft

Oh – denn tuets eim plötzlich leid

 

Biege, dehne, bräche, drücke – u-u-äh

Für Ruhm und Ehr und s'viele Gäld

Operiere Chnoche flicke – u-u-äh

Em Sieger g'hört die ganzi Wält

 

Und keine weiss wiso – wurum

Das alles het chönnä gscheh

Hätt mä s'doch nur früener g'wüsst

Hätts alles nit müese geh

 

© Spruchrif 2011 – SUISA