Dr Vellokurrier

Fahrt wie der Wind

Um d Egge ganz gschwind

Mit Briefe und Paket

sim Ziel entgege konkret

Fahrt über Stock und Stei

Durch d’Strosse elei

Springt über jede Randstei

Mit schnelle Bei

 

Dr Vellokurier

Dä fahrt wie nes Tier

Mit Muskle für 4

Und Chraft wie e Stier

Dr Vellokurier

Dä fahrt wie nes Tier

Mit Muskle für 4

Und Chraft wie e Stier

 

Duet schneller trammple

Über die rot Ample

Findets no witzig

Rollt grad über d’Chrüzig

Mit quitschende

Reife übere Fuessgängerstreife

An de ville Lüt verbii

Wo scho am drüber laufe si

 

Dr Vellokurier

Dä fahrt wie nes Tier

Mit Muskle für 4

Und Chraft wie e Stier

Gört es schrills Pfiffe

Schnell duet er begriffe

Sini Brämse düen griffe

Ihn duet Panik ergriffe

 

Ganz usem Hüsli

Winkt es Schuggermüssli

E saftigi Buess in der Hand

Ach was für ä Schand

 

Dr Vellokurier

Dä fahrt wie nes Tier

Mit Muskle für 4

Und Chraft wie e Stier

Dr Vellokurier

Dä fahrt wie nes Tier

Het Chraft wie e Stier

Und Buesse für 4

 

© Spruchrif 2011 – SUISA