Wandere

Bald goht's los in d'Alpe

Ab in's grüenä ufä in d'Bärge

Tiefi Schluchtä, höchi Bähnli

Bruni Chüeli, roti Fähnli

 

Wanderä über Stock und Stei

Stigä, keuchä Chrämpf in dä Bei

Roti Rösli, grüeni Wiisä

wissi Wulche, chueli Biisä

 

Dr Rucksack uf em Ruggä

Und dr Sunnä im G'sicht

Wird luschtig glacht im Alperausch

Z'ämmä sii isch dr Plausch

 

Mängisch tuet mä Pause mache

Amene blaue Alpäsee

Mit dunklem Brot und Schwizer Schoggi

Valserwasser, Ice-Tea und Goggi

 

Z’Sunne lacht vo obe abe

Weme duet der Gipfel stürme

D’Ussicht gniesse uf d’Wiise und Wälder

S’schline Land mit Hügel und Fälder

 

Am Obä denn nach lange Marsch

Tuet mä in dr Alpähüttä

Jassä, chnoblä, und guet esse

Me wird’s sicher nie vergässe

 

Ligt me im Bett am obe spot

Träumt mä vom schönste Oberot

So sötts einfach immer si

Dr nöchst Morge chuunt scho glii

Dr Rucksack uf em Ruggä

Und dr Sunnä im G'sicht

Wird luschtig glacht im Alperausch

Z'ämmä sii isch dr Plausch

 

© Spruchrif 2011 – SUISA