Dr Rhy durab

Entlang dr Solitude – promeniert die halbi Stadt 

pilgeret zum Tingueli – fröhlich d’Stäge ab

 die letschte Tritt zum Wasser – nimmt me glasse hüt

springt ins chüele Nass dr Schwimmsack – zieht me mit

Ganzi Familie stürze sich – behärzt in d’Fluet 

Jede gspürt sofort – wie guet ihm das tuet 

D Strömig zieht eim sanft – dervo im Schritt 

E chline Hund schimmt fröhlich – bällend mit

Refrain 

Es fliesst no viel Wasser dr Rhy durab

 Drum näme mrs easy hüt 

Es fliesst no viel Wasser dr Rhy durab 

Jetzt lömmer eus eifach triebe 

Uoo, Uoo – dur die ganzi Stadt 

Uoo, Uoo – dr Fluss durab

3 + 4 Strophe

 D’Wettschteibrugg vo unde – an de Weidling verbii

 Bi dr Fähri thront s’Münschter – s cha nid schöner sii 

Do chunts Floss – Dört goht’s ab am Obe

 chasch d’Szene träffe – gueti Musig lose

Am Rhywäg flaniere – zu dr Buvette und zrugg

 Am Ufer sitze – bi dr Mittlere Brugg

 Dört si si am grilliere – me het Würschtli mitgnoh

 Oder tuet am Glacestand – in dr Schlange stoh

 Es fliesst no viel Wasser dr Rhy durab 

Drum näme mrs easy hüt 

Es fliesst no viel Wasser dr Rhy durab 

Jetzt lömmer eus eifach triebe

 Uoo, Uoo – dur die ganzi Stadt 

Uoo, Uoo – dr Fluss durab

Tourischte winke stunend – vom Käppelijoch

Am Pfiiler verbi schwimm – nid z’nöch dranane 

Bi dr Helvetia springe – Chinder in d’Strömig 

An dr Schiffländi äne strahlt – edel s‘Dreikönig

S’het farbigi Tüecher – bis zum Dreirose fürä

 St. Johann Quartier – mit em Rhybad dört äne 

Do chunt d’Kasärne – dr Fisch tuet mi träge 

Si chille bi de Bäum – mir tüen stromab schwäbe