Träne fliesse übers Pergamänt

Vo dr höchste Brugg abegummpt

ohni rettendi Gummi-Leine

innerlich zerrisse, ganz verlumpt

fäderliecht schriebä, endlos reime

 

Schwimm im trüebe Meer voller Hass

Ufem schwarze Grund git’s gnueg Leiche

Dr Rettigsring im chalte Nass

Viel z’spoot zum en erreiche

 

S Siegel bricht nur eimol richtig

Träne fliesse übers Pergament

D’Botschaft isch mängisch gar nid wichtig

Suech wieter, es goht ume Moment

 

Wohri Macht hei tiefi Gfühl

Angst oder Muet – wär günnt d’Schlacht

wenn nümme witer chasch – denn hül

Nur e dumme Chrieger lacht

 

Mängisch erschiint eim alles klar

Dichte Nebel verdeckt mini Sicht

Dr wohri Sinn blibt unsichtbar

Rätselhaft bliebt mis Gedicht

 

S Siegel bricht nur eimol richtig

Träne fliesse übers Pergament

D’Botschaft isch mängisch gar nid wichtig

Suech witer, es goht ume Moment

 

Nass si mini bleichä Händ

Isch es Räge oder Bluet

sprächendi Türe, Ohre hei d’Wänd

es fehlt mir nid am Muet

 

Im tiefe Wald, weiss nümm wohär

Zeichnet, wiene wahnsinnigs Genie

Denk nur no in Wuche, ungefähr

Schlich Johrzähnte hindedrii

 

S Siegel bricht nur eimol richtig

Träne fliesse übers Pergament

D’Botschaft isch mängisch gar nid wichtig

Suech witer, es goht ume Moment

 

SPRUCHRIF © 2015