Schöni Wält

Würd mängisch gärn – Zyt zruggdreie 

Wo alles zum erschte Mol – und neu isch gsi 

Wo ich as chline Bueb – fröhlich in Sandale bi gloffe 

Ha uf em Schuelwäg – immer öbber Tolls atroffe 

Jede neu Tag – han ich mit Freud erwartet
Ghüpft bini mängisch – ohni Grund 

Ha keis Abentüür – welle verpasse 

Schön und zfriede erläbt – han ich jedi Stund 

Mängisch han ich no – die Gfühl 

Wie as Chind in euserer Stroos 

Schmöck dr Teer wo schmilzt im Summer 

dr Räge uf em heisse Asphalt 

Mä et sich troffe – dört bim Mätteli 

Mä het sich kennt – gross und chli 

Mach d’Auge zue – gseh Chindergsichter wieder strahle 

Ghör eus diskutiere – wenn ich gnau aneloos 

Würd gärn wieder mit Zueversicht – in Zukunft luege 

Mit em Gfühl as alles – scho guet tuet cho 

Mit Sälbstvertraue – an alles Gueti glaube 

An öbbis Höchers – au wenn ichs nid verstoh 

Mängisch han ich no – die Gfühl 

Wie as Chind in euserer Stroos 

Schmöck dr Teer wo schmilzt im Summer 

dr Räge uf em heisse Asphalt 

© SPRUCHRIF